فى الأول أستنيت الفارس يجى على حصان أبيض زى ما تخيلته وحلمت بيه وفعلا جه....
ووسط الضباب شفته داخل عليا بس لا لقيت فارس ولا حصان طبعا مسألتش على الفارس بس معرفتش مسألش عن الحصان لما سألت قالى كل اللى أنت عاوزه وبتحلمى بيه حتى موجود بس فى قلبى وجوه العين والنيني ووعدنى بحب يحتوينى ورجوله تضمنى ودين يحكم معاملتنا وعلاقتنا ...بصراحه إنبهرت وإنفطرت لغيت منجرحت كل شويه كنت أقول أكيد الفارس اللى جواه حيظهر بس بلاش أستعجله بس للأسف طلع (للأسف)...
ولما طلع لللأسف مقدرتش أقبل الأسف لقيته سراب وأمل كداب مفضليش غير حلم معشتهوش وفارس مشفتوش وحصان مركبتوش .....بس أحلى حاجه فى عمرى هو حاجه منى نعمه من ربى بيكمل حلمى وبيفهم ألمى ويضم عمرى ويدعم زمنى بأحاسيسه الصغيره وكلامه السكره ...بس لأنه صادق فرائع لإنه محب فحانى لأنه أمل فحياة
هناك 4 تعليقات:
ايه طلع للاسف يعنى طلع ايه ف الاخر
معناها ايه للاسف دي
الرجاله كتير و الحمد لله
الرجاله كتير صحيح بس الفرسان منهم قد إيه؟؟؟؟؟؟؟
تعيشى وتاخدى غيرها
مش تريقة بس الزمن دة مش زمن الفرسان
ماتفهميش العيب فيهم ولا فى الدنيا ولا ظروف اللى بيمروا بيها
بقولك احمد زى محمد زى محمود
وافقى وخلاص
حلو أوى زي ماأنت قلتى هى بطيخه بس المهم نخبط عليها شويه ممكن نعرف المستخبي مش كده وربنا أكيد عنده الخير
إرسال تعليق